露露除左鍾意行街shopping之後,
最鍾意就係約姊妹們去品嚐美食!
今次就約左一班好姊妹Mandy,
Kayiu, April一齊去品嚐泰國菜!
位於中環IFC的<< Greyhound Café>>
是一間西式化的泰國餐廳!
‧曾獲《Fortune》雜誌評為最熱門餐廳
‧提供簡單創新的泰式及國際美食
今次露露一早book左位, 所以唔洗等,
(因為<< Greyhound Café>>平日都好多人黎食,
所以建議book位先)
一黎到已經見到同一般泰國餐廳唔同,
它的裝潢走現代的型格style!
我地望樣menu樣樣都好想食,
同姊妹一齊食野最開心, 因為人多可以大家share食,
試多幾款菜式!
睇下我地幾個叫左幾多野食, haha!!
前菜方面我地選擇左:
<<秘製辣肉醬手包粉卷>>露露最愛的前菜
‧用生菜包住粉皮、秘製肉醬及辣汁,
可以根據自已的口味去控制份量
‧露露仲D.I.Y用粉皮夾住秘製肉醬及辣汁,
好似意大利雲吞的樣
它的味道好清新, 帶有少少辣, 好開胃!!
<<薄切三文魚>>
‧三文魚配上泰式辣汁,用泰式辣汁帶出三文魚的鮮味,
非常特別&創新的配搭
(如果不愛辣的朋友建議唔好包蒜片)
<<粟米蟹肉餅>>
‧滿滿蟹肉&粟米粒
‧廚師火喉控制得好好, 炸得酥脆可口, 但一D都唔油膩,
再配上甜酸醬, 醒神開胃
<<招牌脆炸單骨雞翼>>
‧好方便女仔食的一道菜,
‧味道方味較淡, 可以再濃D
飲品方面:
露露選擇左<<藍蘭豆甜菊茶>>,
平時好少飲熱飲的我一飲就愛上了它!
它的顏色係紫色, 好特別!
陣陣的菊花香味, 再加入蜜糖, 甜甜的!
其他姊妹就選擇左<<特色檸檬茶>>,
(露露都偷飲左幾啖)
它同一般的檸檬茶唔同, 它的冰塊都係用檸檬茶雪的,
唔會好似平時禁比d冰沖淡左d味,
而且仲加左青檸汁, 好好飲!
主菜方面:
<<泰式牛肉意大利麵>>
‧西式的烹調方法
‧整體味道唔錯, 只係比較有少少油
<<鮮蝦炒金邊粉>>
‧新鮮彈牙的鮮蝦
‧金邊粉酸酸甜甜, 而且炒得乾濕適中,
再拌埋花生粒碎及辣椒粉, 十分醒精開胃
<<軟殼蟹墨汁意粉>>
‧軟殼蟹好鬆脆
‧墨汁意粉煮得好入味
<<泰式河蝦冬蔭公湯河粉>> 露露的最愛
‧湯酸酸的帶點辣, 好正!! 露露最愛冬蔭公湯
‧大蝦新鮮彈牙, 河粉亦煮得好入味!
當大家都食得好飽時, 一見到甜品又好興奮!
果然女人係有2個胃呢!
之後我地好瘋狂地試左5款甜品!!
<<椰子雪芭>>
好香的椰子味, 仲有啖啖的椰肉粒,
岩晒飯後食!
Mandy點左<<香蕉芭菲杯>>
Apil的<<芒果芭菲>>
Kayiu點左<<鮮製蘋果金寶>>
呢個好特別, 甜甜的蘋果加上餅碎,
口感好創新!!
莓莓控的露露當然選擇<<野莓千層蛋糕>>!!
甜甜的果醬再配微酸的紅莓,
蛋糕&cream一層一層,
每食一啖都feel得好幸福, 大愛呢!!
今次食得好開心, 環境優雅, 食物水準高,
而且職員服務態度好好,
我地又講又笑禁係<< Greyhound Café>>渡過左差唔多2個幾小時!
下次要猜男友黎食先! >3<
想了解更多<<Greyhound
Café>>, 可以到:
官方網站:
Facebook:
<<本文章內容純屬個人分享，並不代表該品牌之言論及立場>>
產品試用、活動等歡迎Contact露露:
Facebook Fans Page:
Intagam:
lulucheung1028
Youtube:
http://www.youtube.com/channel/UCdeK7gWq_f3zoeGmHYjffwQ/videos
Open Rice Link:
http://www.openrice.com/restaurant/userinfo.htm?userid=540979&con=rvwer
Weibo:
個人Blog:
Beauty Bolg:
沒有留言:
張貼留言