(美食世界) 與好姊妹的下午茶時間 @ Cafe Charm's

呢日禁岩同好姊妹一齊平日放假,

於是大家決定去PollyU影下相, 然後去食個下午茶,
之前聽朋友介紹一間唔錯餐廳<Cafe Charm's>
趁平日冇禁多人一於去試下~

 去到見到店入面已經佈置左聖誕,

我地點左2個下午茶set

<經典凱撒沙律>HK$58（加海蝦+ HK $18）    

除左可以選配加海蝦, 亦可以加配雞扒或煙三文魚,

同樣額外加多$18

生菜新鮮爽脆, 車厘茄鮮甜

海蝦大大隻, 新鮮彈牙

撈埋d醬汁好開胃!

<手工和牛漢堡> HK$86

一聽到用和牛做的漢堡已經好吸引

份量都幾大, 仲配埋薯條, 兩個女仔可以一齊share食

上下面的芝麻包經烘過後非常鬆脆

漢堡扒肉質鮮嫩, 咬落去好juice,

用左不同部位的和牛混合打碎而成, 好重本!

再配埋芝士、煙肉、雞蛋、洋蔥、蕃茄、生菜,

份量十足!!!

好姊妹點左<經典玫瑰朱古力>

呢杯古古力最特別嘅地方係呢隻超可愛的拉花熊啤啤.

可見咖啡師的拉花技巧十分高

入面仲有玫瑰花瓣, 淡淡的玫瑰花味再配上

香濃幼滑的朱古力, 女仔的至愛!

而鍾意於白朱古力的我就單點左杯<白朱古力抹茶咖啡>

抹茶咖啡細滑順口, 抹茶清幽的香氣慢慢滲透出來,

配上白朱力剛剛好中和左兩者的甜&苦味

仲有塊好cute的薑餅人曲奇

本身已經飽了, 但見到旁邊果台的甜品之後,

我地又忍唔住點多個甜品

<士多啤梨雪糕窩夫> HK$76

單係賣相已經十分吸引, 而且即點即整

窩夫外皮脆內軟, 每個小窩夫上都有忌廉

再沾上雪糕同士多啤梨醬

真係超滿足!!

<<本文章內容純屬個人分享，並不代表該品牌之言論及立場>>

產品試用、活動等歡迎Contact露露:

puilu_cheung@yahoo.com.hk

Facebook Fans Page:

Intagam:

Youtube:

Open Rice:

Weibo:

個人Blog:

Beauty Bolg: