朋友搬左去美孚，同老公呢日去慶祝他新居入伙，
夜晚帶左我地去食火鍋放題，價錢五貴，食材水準高，
估唔到美孚有禁正的放題，令我地一食難忘~
120分鐘放題的火鍋套餐以肉類種類分為不同的價錢，
包括：美國肥牛、美國牛小排、澳洲和牛、日本霜降和牛，
定價由每位$298-498， 套餐仲包括刺身拼盤、海鮮拼盤，
食材非常新鮮、質素高，絕對值回票價!!
而且於特別時段仲有優惠價錢添，
晚上7:15前離座每位減$30蚊；或者晚上9點之後入座有85折~
有多款的丸類、蔬菜、醬料等，仲有飲品區任飲，
除左有二十多款一般的火鍋配料之外，
比較特別有秋葵、芝士獅子狗、麻糬丸等，而且refill速度非常快~
我地點左“美國牛小排”，每位$368，
呢度另一個係一人一鍋的形式，湯底選擇都有幾款，
大家可以選擇自己喜歡的湯底，
我地點左日式壽喜燒湯、小魚蕃茄湯、日式和牛清湯，
另外仲有鰹魚昆布、骨膠原雞湯、泡菜豬骨湯~
首先上枱係“特選刺身拼盤”，按人頭由廚師安排4-5款刺身，
有三文魚、大蝦、劍魚腩、拿魚、立魚，
款款新鮮，特別是大蝦口感爽牙，入口即化~
之後輪到重頭戲“海鮮盛合A”，
份量按人頭計算，大大一盤非常豐富，
當中最吸晴的非呢隻波士頓龍蝦非屬，
超大一隻有人個頭禁大，啖啖肉，肉質彈牙~
鮑魚非新鮮，份量十足，扇貝、花甲、蟶子處理得好好冇沙，
另外仲有海蝦、蠔等，款款新鮮，非常滿足~
美國頂級牛小排，肉質鮮嫩，脂肪分佈均勻，掛住食唔記得影相，
套餐仲可以點黑毛豬豚肉、特選雞腿肉等，
五食牛的朋友都五怕~
最後每人仲包一杯Haagendaz或Movenpick雪糕，
仲要係特別的口味，包括我最愛的楓糖合桃雪糕，
為呢一餐畫上完美的句號!!
地址:
美孚百老匯街69-119號美孚新邨第4期美孚廣場3樓平台P01-P02號舖
Openrice link:
<<本文章內容純屬個人分享，並不代表該品牌之言論及立場>>
產品試用、活動等歡迎Contact露露:
lulucheung1028@gmail.com
Facebook Fans Page:
Intagam:
Youtube:
Open Rice:
Weibo:
個人Blog:
Beauty Bolg:
沒有留言:
張貼留言