秋風起最岩同一班朋友去食火鍋，
最近得知銅鑼灣開左間非常道地的台式養生火鍋，
即刻約左好姊妹去試下先~
地點都幾方便，係等鵝頸橋附近，
一入去裝潢已經非常充滿台灣風味，
台椅都用木製，枱之間都幾闊落，仲有屏風~
食物選擇都幾多，有好多自製的特別火鍋配料，
醬料係自助形式自己去調配~
我地點左鴛鴦鍋，<麻辣鍋拼美人鍋>，
收費以較高價錢的湯底敲計~
呢度的鍋底真係要大讚，非常足料，
好似<麻辣鍋>用左多種香料、藥材調製，
入面放左鴨血、凍豆腐等，因為幻好姊妹唔太食得辣，
所以我地點左小辣，微辣得黎帶少少麻的味道，
亦唔會油膩，我非常鍾意~
而<美人鍋>就用左陰多種健康藥材如杞子、紅棗、
桂圓、淮山、參、金華火腿、桃膠，
以及原隻烏雞以老火肴制，湯頭非常香甜，
雞肉亦非常幼嫩，養顏補身之選~
好姊妹唔食牛，所以點左<御選梅花豬> HK$108，
肉質嫩滑，肥瘦均勻~
<鵝肝墨魚丸
& 黑松露蝦丸> 各半份HK$48
呢個幾有驚喜，鵝肝墨魚丸非常爽口，
咬落淡淡的鵝肝味;
黑松露口感彈牙， 黑松露味都幾香濃~
另外<自家製麻辣牛肉餃> HK$42/半份
牛肉香濃，帶微微的辣
呢個台灣直送的<翠絲水蓮> HK$78真係第一次係香港食到，
放入鍋前先要用剪刀剪成一段段，
口感有d似食爽口版的韮菜，幾特別下~
<炸響鈴> HK$58
即叫即炸，非常新鮮香脆~
<炸芋頭> HK$48
芋頭內裡非常粉，外面酥脆~
飲品仲有台灣道地的<蜂蜜白苦瓜汁> HK$58
清熱解渴，但一杯唔夠喉~
最後甜品係<迷你Gelato雪糕系列>，
整餐都非常滿足，如果價方面親民多少少更加好，
下次同多d朋友一齊去可以試多幾款~
地址：
Openrice link:
<<本文章內容純屬個人分享，並不代表該品牌之言論及立場>>
產品試用、活動等歡迎Contact露露:
lulucheung1028@gmail.com
Facebook Fans Page:
Intagam:
Youtube:
Open Rice:
Weibo:
個人Blog:
Beauty Bolg:
沒有留言:
張貼留言