呢日同好姊妹去尖沙咀行街睇戲，
突然諗起好似有位型男明星係附近開左間西餐廳---
<LA MER Restaurant & Lounge>
即興去食個下午茶~
餐廳地點非常方便，由地鐵站行去約5分鐘，
上到之後令人眼前一亮，
如果一提藍色盒子，女仔一定會諗起T牌首飾，
而呢度就係飲食界的藍色盒子，
裝潢用左Tiffany Blue為主色，配上水晶燈，
佈置、餐具等都非常精緻，
連椅子都用左沙發的質地，
絕對是與伴侶、閨蜜約會的好地方~
<LA
MER Restaurant & Lounge的法式下午茶> 價錢HK$288/2人，
每日下午3點開始提供，
食物的份量岩岩好，貴精不貴多，
光賣相已經疼非常吸引，
包括有2款鹹點、6款甜點，以及2杯飲品，
而且食物是按照當時的食材而決定，
所以每次去都有機會不一樣，充滿驚喜~
最頂層是鹹點:
煙三文魚牛角包 + 牛油果醬伴粒粒魚
牛角包非常香脆鬆軟~
牛油果醬非常幼滑，配上新鮮的粒粒魚惹味十足~
中間果層開始是甜點:
金箔 紅莓雪葩鵝肝慕絲 + 芒果熱情果奶凍
酸酸的紅莓雪葩配上甜甜的爆炸糖非常夾，
鵝肝慕絲口感幼滑，慢慢在口中溶化時散發出淡淡的鵝肝香味，
整個口感層次非常豐富~
芒果熱情果奶凍質感幼滑，
芒果香甜及奶味濃郁
最底層亦是甜點:
星星朱古力榛子撻、紅莓&草莓拿破崙、朱古力脆皮慕絲方塊磚
3款我都非常鍾意~
紅莓&草莓拿破崙香脆可口
星星朱古力榛子撻的朱古力味道香濃又五會太甜，
內面仲有一層脆卜卜的榛子，
撻底亦非常鬆脆~
朱古力脆皮慕絲方塊磚外皮薄而脆，
中間的裡面朱古力慕絲香濃幼滑，
五會好甜，食左一整塊都五覺得膩~
當然唔少得仲有英式提子鬆餅，
口感鬆化，搽埋果醬味道一流，
但如果配埋忌廉醬更完美~
飲品方面可以選擇Latte / Cappuccino / Earl Grey等~
地址：
Openrice link:
<<本文章內容純屬個人分享，並不代表該品牌之言論及立場>>
產品試用、活動等歡迎Contact露露:
lulucheung1028@gmail.com
Facebook Fans Page:
Intagam:
Youtube:
Open Rice:
Weibo:
個人Blog:
Beauty Bolg:
沒有留言:
張貼留言