自從上次去完中環<DK
Cuppa Tea>之後,
它已經成為我同好姊妹聚會的祕密小花園
今次見到它們由“21/3開始直至30/6”推出左最新的
下午茶主題---「綠野遊踪」
而且仲係我地最愛的貓貓系列,
即刻預約同好姊妹一齊品嚐!
今次黎的是上環分店,
一入去已經好似進入左後花園~
店主真係好有心機,
每次的佈置都會跟據下午茶的主題為主!
今次見到周圍放滿大大小小貓貓的抱枕,
每張台仲有貓貓造型的台燈添~
首先店員會送上紐約有機茶---<三重果香特飲>
當中有紅莓、藍莓、黑加侖子,
味道甜甜酸酸好清新,
仲有陣陣的莓莓香味
之後客人會獲贈一套5張的<貓貓卡>,
每張<貓貓卡>代表不同的香薰精油及其療效,
要抽其中一張並要認住它,
之後店主就用魔術變走左張貓貓卡,
同時俾左個提示鐘我地,
當個鐘閃燈就到水吧位置攞我地的野餐籃
我地一齊打開個野餐籃,
見到好多貓貓在野餐籃裡面,
仲有我地岩岩抽的貓貓卡都係入面!
首先品嚐左杯<龍蝦湯>先,
味道濃郁, 細細粒粒的龍蝦肉新鮮彈牙
之後由鹹點開始進玫:
<龍蝦班戟>
班戟中藏左貓貓曲奇, 我地要先拯救貓貓
取走貓貓曲奇之後再放龍蝦肉夾埋班戟食,
龍蝦肉新鮮彈牙, 配埋班戟別有一番滋味
<酥皮小肉卷>
酥皮非常香脆鬆化, 中間的豬肉腸又香又惹味
再擦埋tomato ketchup好好味, 最好趁熱吃,
不過呢度店員好好, 會主動問客人需唔需要加熱
<鵝肝餅乾>
脆脆的餅乾上滿滿的鵝肝醬,
再配上葵花籽、杏仁碎,
幼滑的鵝肝醬+香脆的果仁
令口感更有層次
<英式鬆餅配杏脯肉果醬>
鬆餅充滿香濃的牛油香, 非常鬆軟
配擦上獨立一小樽的杏脯肉果醬
令整體加分
之後到食甜點:
首先要食<雪糕泡芙>
因為泡芙入裡的雪糕比較快溶,
有2種味道雲呢拿雪糕&朱古力雪糕
冰冰涼涼好好味!
<流心紙蛋糕>
檸檬焦糖味&朱古力味
朱古力味有濃濃的朱古力, 中間的流心好似心太軟般
姊妹食的檸檬焦糖都好清新
之後望住d貓貓造型的甜點唔捨得食!
<貓兒圖案馬卡龍>
上面印左好靚的圖案,
有綠茶&榛子味道
馬卡龍外脆內軟
我選擇的榛子味好濃郁
<貓兒造型抺茶曲奇>
以貓貓背影製成的曲奇, 可愛到唔捨得食~
抺茶香濃, 曲奇好脆
<抺茶杯子蛋糕>
上面有立體的超迷你貓貓公仔
抺茶味甘香, 忌廉幼滑
<日式焙茶芝士蛋糕>
蛋糕的質地軟滑,
濃濃的芝士味再配上焙茶的甘醇
令人回味!
最後的<貓掌印朱古力>都好推介,
用左黑朱古力, 朱古力味濃郁,
質感幼滑, 中間竟然仲有抺茶餡,
十分有驚喜!
除左食之外, 仲有遊戲玩添:
(遊戲一)
每一個箱子都隱藏一隻貓兒,
首500位和它合照及在café裏打卡
上傳到FACEBOOK®及Instagram®的客人
更可獲贈貓貓杯一隻, 貓貓杯更可用作為蠟蠋座!
我超級鍾意!
(遊戲二)
係(遊戲一)hashtag個Post 再tag多3個朋友
就可以有一次扭蛋既機會,
隻隻扭蛋都有禮物！
入面仲有餐廳優惠券、香薰頸鏈、貓貓
我同朋友都抽到可愛的貓貓同餐廳優惠券,
下次黎食可以用番添!
地址：
上環新街市街19號地舖
Facebook:
Openrice link:
<<本文章內容純屬個人分享，並不代表該品牌之言論及立場>>
lulucheung1028@gmail.com
Facebook Fans Page:
Intagam:
Youtube:
Open Rice:
個人Blog:
Beauty Bolg:
沒有留言:
張貼留言