好耐冇食buffet啦,
今次見到Openrice與朗庭酒店<The Food
Gallery>自餐晚75折優惠劵
而且仲係意式主題添,
忍唔住同朋友們一齊黎食!
呢度環境好舒適, 坐位之間好闊
唔會位貼位
一坐底即刻點左白酒飲,
呢枝白酒好香醇, 容易入口
好岩女士飲!
之後見到林林總總的美食,
第一時間當然係去海鮮及刺身區,
強大的海鮮陣容,
有我最愛的波士頓龍蝦、琵琶蝦、澳洲小龍蝦、
加拿大蟹腳、波士頓龍蝦鉗、冰島海翡翠螺、
太平洋新鮮凍蝦、紐西蘭青口等等
旁邊擺放左滿滿的美國生蠔,
不限數目可以任取
之後仲見到原隻巨大的八爪魚,
刺身選擇有三文魚、吞拿魚、八爪魚等等
以及多款壽司
我自己一個食左3隻波士頓龍蝦
滿滿的蝦膏, 肉質鮮甜
琵琶蝦都好吸引
龍蝦鉗敲碎去殼原整一隻, 可見十分新鮮
生蠔好creamy, 一d沙都冇,
忍唔住食左半打
另一個最愛的非芝士區莫屬
一般酒店buffet只有3-4款芝士,
但呢度竟然有6款以上的選擇,
包括 Camembert 、Goat
Cheese、Grann Padano、
Gorgonzola、Taleggio、 Pecorino、Provoine
令我呢位芝士控十分滿足!
仲有煙三文魚、酥餅、意式香草麵包等提供
旁邊的冷盤區都非常吸引,
濃郁的意式風情
有自家製鴨肝醬及自家製豬肉凍批
仲有帕爾馬火腿、沙樂美腸、胡椒凍肉腸、
辣肉腸、開心果凍肉腸、牛仔凍肉腸
場中央有自助沙律吧
供應多款新鮮爽脆沙律菜
芝士控的我每一款芝士都品嚐一番,
而自家製鴨肝醬味道更出乎意料地美味!
之後介紹下熟食區,
有數十款的美食!
西式熱盤：烤羊仔骨配雜菌汁、香草蒜蓉焗青口、燒龍蝦鉗等
另外仲有pizza、炸魚柳
燒烤方面: 香噴噴的燒西冷牛扒、皮脆肉香的燒意大利乳豬
喜歡咖哩的話有印度烤餅、印度牛油雞、印度咖哩雜菜等
中式熱盤: 蜜汁叉燒、明爐燒鴨、花彫醉雞翼、
潮州蠔仔粥、豬腳薑等,
仲有原盅雪梨蘋果燉雞湯
旁邊仲有粉麵檔:
河粉、米粉、雞蛋麵、油麵、瀨粉等
可選擇香濃雞湯、新加坡喇沙、四川麻辣等不同湯底
之後無意中發現有個好特別的魚檔,
擺放左鱸魚、烏頭、黃花魚的魚頭和魚尾,
即叫即蒸!
因為我主攻海鮮、芝士同甜品,
熟食方面食左唔多,
最愛係鵝肝麵包,
沒有任何腥味, 而且唔油
一個人食左4塊, haha!
另一個要推介的係蒸魚,
本身唔多食魚, 但呢度即叫即蒸,
保留魚的鮮嫩幼滑
仲有必試的係原盅雪梨蘋果燉雞湯
湯好清甜, 可以飲多2盅
最後當然係我最愛的甜品區!
一入黎已經被它們深深吸引住!!
首先見到朱古力噴泉, 配上新鮮生果:
菠蘿、西瓜、蜜瓜、哈蜜瓜等
前面有士多啤梨慕絲、菠蘿啫喱、雲尼拿意式奶凍甜品杯
旁邊甜品架有
葡式蛋撻、芒果布丁、綠茶卷、
意大利脆卷、美式朱古力餅、法式焦糖燉蛋等
以意式主題為主的蛋糕區:
意大利芝士軟餅、
意大利芝士餅、士多啤梨慕絲蛋糕、黑森林蛋糕等
雪糕有4款不同口味的 Mövenpick
款款都好好味
當中最愛蛋糕
有好似雪糕般的意大利芝士軟餅,
一般buffet好少見
同埋香濃蛋味的燉蛋好
最後食埋2球Mövenpick雪糕,
太幸福了!!
要讚美餐廳職員換碟好快, 服務態度好
意式主題自助晚餐75折優惠直到4月4日!!
地址：
Facebook:
<<本文章內容純屬個人分享，並不代表該品牌之言論及立場>>
lulucheung1028@gmail.com
Facebook Fans Page:
Intagam:
Youtube:
Open Rice:
個人Blog:
Beauty Bolg:
沒有留言:
張貼留言