又到左每個月一聚的姊妹下午茶時光，
今次決定去馬哥孛羅酒店的<Cucina>，
因為知道它家的意籍總廚Andrea Delzanno推出
全新的<Amedei意式下午茶>，點可以錯過呢?!
全新<Amedei意式下午茶>
於每日下午3時至5時半供應，
港幣HK$568/兩位(另設加一服務費)
呢日同好姊妹係行完海港城，之後去左食下午茶，
之前訂左位，好開心可以安排於窗邊位置，
可以望住靚靚維景享受美點~
<Amedei意式下午茶>是用來自意大利托斯卡納 (Tuscany) 的
頂級朱古力Amedei設計的~
鹹點方面:
意大利風乾火腿配蜜瓜、蘋果蟹肉薄餅、
意大利三文治 配番茄+水牛芝士+香草醬+沙樂美腸
鮮甜的蜜瓜中和了意大利風乾火腿的鹹香，
兩者非常配搭~
蘋果蟹肉薄餅 啖啖蟹肉，上面的魚子更提升左口感
意大利三文治個包好鬆軟，
中間的水牛芝士、香草醬、沙樂美腸非常夾~
甜品方面:
朱古力法式泡芙、意大利曲奇、蛋白糖霜餅 、
熱情果朱古力慕絲、Amedei果仁朱古力、
檸酒奶凍、提拉米蘇
熱情果朱古力慕絲一口的大小，
外面脆卜卜、內裡幼滑~
蛋白糖霜餅 甜度適中，入口即化~
意大利曲奇、Amedei果仁朱古力
曲奇香口，朱古力香濃~
而我最鍾意的係朱古力法式泡芙，
金黃香口的泡芙，佈裡佈滿軟滑香濃的朱古力慕絲，
一口咬下去有雒幸福滿溢的感覺，
上面的蝴蝶裝飾好精緻~
好姊妹就鍾意提拉米蘇，入口軟滑輕盈，
散發淡淡的可可香及濃郁的咖啡味道~
檸酒奶凍口感清新，酒香在口中徘徊，
芳香醉人~
另外令的回味無窮的就係它，
全新推出的<秘製Chococina 岩鹽焦糖朱古力>，
用來自西班牙的Novell黑朱古力炮製，
配上鹹味焦糖忌廉及來自喜馬拉雅的玫瑰岩鹽，
香濃而不膩的朱古力味，口感幼滑，
再加上邪惡的棉花糖，令人迷戀上它，
凡惠顧<Amedei意式下午茶>的客人仲可以帶埋
Chococina的雙層玻璃杯返屋企添~
除左朱古力，仲可以選擇<Tea Forte香茶>
除左下午茶set之外，仲有提供精緻單點甜品，
包括經典提拉米蘇、藍莓芝士餅、開心果吉士忌廉卷
、意大利雪糕等春日甜品~
<Cucina>
地址： 尖沙咀海港城馬哥孛羅香港酒店6樓
電話： 2113 0808
<<本文章內容純屬個人分享，並不代表該品牌之言論及立場>>
產品試用、活動等歡迎Contact露露:
lulucheung1028@gmail.com
Facebook Fans Page:
Intagam:
Youtube:
Open Rice:
Weibo:
個人Blog:
Beauty Bolg:
沒有留言:
張貼留言