今年生日老公一早訂好荃灣如心海景酒店的<CAFÉ CIRCLE>
食自餐晚餐，雖然係平日夜晚，但7點去到已經8成滿~
餐廳樓底高、環境優雅闊落，
一入門口有張長長的餐台，非常有氣派，
想私人空間多d的可以選擇旁邊4人/6人台的房間，
大廳的坐位亦非常舒適~
每位客人都會送一客“鵝肝芝士焗龍蝦拼盤”非常吸晴，
鵝肝厚切油脂甘香、入口即溶，墨西哥餅香脆中間仲有隻蟹鉗，
龍蝦開邊放芝士焗，蝦膏味道鮮甜、肉質彈牙~
自助餐的食物有好多選擇，
冷盤、刺身、熟食、甜品、精選美食等，應有盡有~
冷盤有多款新鮮的海鮮，最愛長腳蟹、小龍蝦，
仲有凍蝦、青口、翡翠螺等，refill的速度都幾快，
旁邊的凍肉亦有數款選擇，如煙三文魚、鴨胸等~
DIY沙律吧有泰式沙律、薯仔沙律、多款沙律配料等，
可自己添加醬汁調味，清新開胃~
刺身 方面有三文魚、吞拿魚、希靈魚、八爪魚等，亦有數款壽司~
熟食方面選擇非常多，
當中最推介包括火焰珍寶蠔，大大隻超巨型，
芝士味香濃，蠔大大隻鮮甜肥美~
原煲海鮮湯，有咖哩、蒜蓉、薑蔥3種味，
材料豐富，有蝦、青口、魷魚等，湯非常鮮味~
串燒海鮮香噴噴，非常惹味~
燒牛肉肉質香嫩、肉汁多~
香草羊架香而不羶，啖啖肉~
蒜蓉粉絲扇貝大大隻非常鮮甜肥美
另外仲有燒味、焗釀蟹蓋、原條蒸魚、印式燒雞配烤餅、
即叫即煮的海鮮湯粉等，未能一一盡錄~
另一個最推介的就係呢度的甜品啦，
有十多款選擇，包括焦糖燉蛋、焗芝士撻、榛子朱古力、
西米布甸、各式蛋糕、朱古力噴泉、新鮮水果之外~
仲有中式糖水杏仁蛋白燉奶、楊芝金露~
而最吸晴的非呢架Häagen-Dazs雪糕車莫屬，
有3款不同的口味，而且定期會更換口味添~
以非常實惠的價錢就可以品嚐到豐富的美食，非常滿足~
前文回顧:
地址:
荃灣楊屋道8號香港如心海景酒店暨會議中心9樓
「🖤購物小兔🖤」
天生購物狂，喜歡買新產品 & 喜歡嘗試新事物，
希望與大家分享我的日常點滴!!
<免責聲明>
***是次產品/活動由品牌提供/邀請，
如需要更多資訊，請自行聯絡品牌查詢***
<<本文章內容純屬個人分享，並不代表該品牌之言論及立場>>
產品試用、活動等歡迎Contact露露:
lulucheung1028@gmail.com
Facebook Fans Page:
Intagam:
Youtube:
Open Rice:
Weibo:
個人Blog:
Beauty Bolg:
沒有留言:
張貼留言