之前見到人地post左一塊超大的牛扒,
一直好想去見識下,
呢日同朋友們一齊係西營盤搵到它啦---<Café 2>!
地點都唔難搵, 搭地鐡到西營盤站,
行過去8-10分鐘左右
呢度裝潢幾特別, 有d木的餐台,
餐廳半開放式, 仲有水吧位,
放左工黎happy hour黎飲野食野都唔錯
<雞肉燒薯芝麻沙律> HK$71
用左烤雞肉, 薯仔, 新鮮蔬菜
再淋上特別醬汁, 醒神開胃
<脆炸甜薯條> HK$63
初初以為同一般的薯條差五多,甜薯帶有甜味,
上面淋滿半溶的芝士, 加配埋醬汁,
口感幾得意
不過建議大家趁熱食, 因為芝士凍左會變硬
<芝士蝦丸> HK$95
蝦丸外層脆卜卜, 內裡爽口彈牙,
一咬落去仲有香滑的芝士流出黎, 超好味!
朋友點左<周打蠔肉湯>HK$58,
但我就鍾情於<磨菇松露忌廉湯>HK$ 42
一見到湯的色澤已經知道落足材料,
好濃郁的磨菇味道, 口感好creamy
嘩! 主角出場啦~
<炭燒澳洲斧頭扒> 約50安士
真係傳說中的超大塊, 比我塊面仲大!
它係牛大脾的肉, 除左大仲有一定的厚度,
相信大廚要有相當的功力先可以將呢塊巨型斧頭烹調得好食
外層燒得剛剛好, 有淡淡的炭燒的香味
裡面的肉質係微紅的、嫩滑,
d肉汁仲可以鎖住係度
呢個份量我相信要至少3個男人先可以食得晒!
<焗蟹肉大磨菇有機野米飯> HK$138
將不同的材料砌成一個塔, 要攪拌混合先食的,
見到磨菇大大件,
有機飯煮得軟硬適中
最後點少得甜品,
<Café 2>的甜品款式雖然唔多, 但水準都唔錯~
我地點左<Dessert
platter>
‧藍莓芝士餅
‧意大利芝士餅
‧朱古力心太軟
我覺得<朱古力心太軟>最出色, 熱烘烘的朱古力醬好香滑,
另外2款相對比較一般~
<<本文章內容純屬個人分享，並不代表該品牌之言論及立場>>
產品試用、活動等歡迎Contact露露:
Facebook Fans Page:
Intagam:
Youtube:
Open Rice:
Weibo:
個人Blog:
Beauty Bolg:
沒有留言:
張貼留言