元朗真係愈黎愈多創意美食,
呢一晚同媽咪係元朗親戚家食完飯,
諗住行去巴士站搭車,
係途中被一間好精美的店吸引住,
行埋去一睇, 係一間創意西式甜品店---<小糖鈕>
我地決定去食返個甜品先!
店舖裝飾好繽紛好得意,
以唔同顏色的鈕為主題,
好似入左一個彩色甜品世界
打開meun見到好多好吸引的甜品,
樣樣都想試!
職員好細心根據我地的口味推介左以下幾款!
天氣禁熱, 當然要飲返杯飲品先la!
店家用左特制乾冰,煙霧從杯中散發出黎,
好夢幻好特別
露媽點左杯<香檸薄荷梳打>
清爽解渴
我就點左<蜂蜜桂花茶>
淡淡的桂花香配上蜜糖的甜味,
好好飲
甜品方面, 我地選擇左以下2款:
<70%特濃朱古力慕思杯 (配新鮮橙柳者喱)>
70％特濃朱古力慕斯
配上新鮮的新鮮橙柳者喱真係完美的搭配
朱古力唔會太甜, 香醇幼滑
一啖由頭到底,
入口時多層次感
清新、香濃、幼滑,
有一種說不出的幸福感覺
<伯爵茶奶凍 (配意式薄荷西瓜冰及雲喱嗱雪糕)>
底層: 伯爵茶意式奶凍
中間:薄荷慕絲及西瓜碎冰
上層: 芝麻薄脆
伯爵茶意式奶凍好香滑,
薄荷慕絲同西瓜碎冰好冰涼
上面呢塊芝麻薄脆超香脆,
露媽話如果有得單買,
可以做零食
最後店員仲送左2款好特別的爆谷比我地食,
原來係老闆研製的,
麻辣味爆谷 +草莓味爆谷
我覺得麻辣味好特別, 唔知遲d唔會唔仲有其他新口味呢!
我決定下次要同好姊妹黎品嚐呢度的<小糖鈕甜品拼盤>
<<本文章內容純屬個人分享，並不代表該品牌之言論及立場>>
產品試用、活動等歡迎Contact露露:
Facebook Fans Page:
Intagam:
Youtube:
Open Rice:
Weibo:
個人Blog:
Beauty Bolg:
沒有留言:
張貼留言