情人節就到啦, 除左同另一伴慶祝之外,
同好姊妹慶祝都唔錯!
今次我地發現左一個祕密花園 < DK Cuppa Tea>
餐廳將於2月11日至4月30日更推出「春天樂章」下午茶!
每位$298+10%
(最少兩位起, 記得電話預約啊!)
一入去已經被滿滿的花包圍住,
好似入左祕密花園一般,
而且店主好有心機, 親自挑選裝飾品,
將餐廳佈置成花花世界!
我地一早已經預約左,
一坐底已經忍不住攞住花球、花頭箍黎影相,
大家都變成公主
「春天樂章‧Spring Symphony Afternoon Tea」下午茶
當店員送上黎時我地超驚喜, 太夢幻啦
粉紅色的托盤載住一個小型的花園,
裝滿了五顏六色永生花的幸福摩天輪上,
放在旁邊的小蠟燭,
仲有好似花園般的美食!
tea set包括了每人一杯飲品,
可以選擇玫瑰花園特飲/有機香薰茶,
我們點左各樣一杯
<玫瑰花園特飲>
主要以梳打水、蜜糖以及玫瑰花精露精油調配而成
上面仲灑滿可食用的玫瑰花瓣
散發淡淡的新鮮玫瑰花香
女仔一家超級喜愛它
姐妹喜歡熱飲, <有機香薰茶>其實是<朱古力薰衣草茶>
茶葉選用的是有品質保證的紐約有機茶,
清香的薰衣草茶香, 飲的時候帶有淡淡的朱古力味
味道好特別!
首先品嚐好似一束花的鹹點小吃
共4款, 每款2件的鹹點
包括<巴馬火腿、山葵帶子、蝦沙津及呑拿魚沙津>
當中最愛的是山葵葉配帶子, 味道好特別,
葉子有芥末的味道但五會辣同攻鼻,
而蝦沙津好鮮甜彈牙,
呑拿魚沙津上面仲有可以食用的鮮花,
花束用的係脆威化筒, 有咖哩及蕃茄味2種口味
<心形三文魚酥>
用左挪威的煙三文魚, 味道嫩口鹹香
餅底是厚厚的酥皮, 層次感分明,
咬落去好香脆!
<英式鬆餅配奶油及新鮮玫瑰花醬>
鬆餅鬆化香口, 店員係食之前仲會提供翻熱服務,
十分細心!
熱烘烘的鬆餅擦上奶油及新鮮玫瑰花醬,
味道美味之極!
之後開始進軍甜食啦!
<鮮花柚子芝士蛋糕>
芝士的質感細膩幼滑,
淡淡微酸的柚子味中和芝士的膩感
好配合!
<柚子cupcake>
濃郁的柚子味, 清新而不甜膩
而我最愛的非<韓式花瓣薰衣草Cupcake>
它真的太美了, 賣相十分精緻,
可以體會到大師精人製作的藝術品,
cream好幼滑, 蛋糕好鬆軟,
散發住淡淡的薰衣草香味!
<心型壓花曲奇>
用左玫瑰花瓣&薰衣草日式壓花整的曲奇,
放入口充滿濃濃的花香味道
<心型馬卡龍>
分別係紫色的藍莓味&粉紅色的覆盆子味
馬卡龍外脆內軟,又晤會太甜
令人食完一粒又想再食
<柚子朱古力>
味道香醇濃郁, 朱古力帶有香甜的柚子味
最後仲有<北海道牛奶紫薯雪糕>
雪糕中加入左紫薯蓉,
散發濃郁的紫薯味、奶香味, 口感香滑有,
雪糕中仲有粒粒紫薯,
為整個下午茶劃上完美的句號!
除左品嚐美味的食物,
原來店主係香薰治療師,
她仲會同大家一齊小遊戲同整d.i.y的舒壓香薰工作坊
包括<藍眼護身符頸鏈及魅力香水工作坊>（$380/位）
仲有近期大熱的<永生花禮物盒DIY>（$399-$799/位）
露露都整左個細的<永生花禮物盒/$399>俾自己做情人節禮物!
如果你都想暫時離開繁忙的生活,
享受一個舒緩身心, 充滿花香的有機健康下午茶,
絕對推薦
Facebook:
Openrice link:
<<本文章內容純屬個人分享，並不代表該品牌之言論及立場>>
產品試用、活動等歡迎Contact露露:
Facebook Fans Page:
Intagam:
Youtube:
Open Rice:
Weibo:
個人Blog:
Beauty Bolg:
沒有留言:
張貼留言