冬天最愛食火鍋Shabu Shabu,
講到要“美味、健康、又抵食!”
絕對推介最近同好姊妹發現新開的一人一鍋<溫野菜>
我地4個女仔個月都會聚會一次,
呢日係海港城行完街, 見到有條人龍出現,
於是行過去一睇, 原來開左間新的日式一人一鍋,
於是就決定食呢間啦!
入面裝潢以木為主, 充滿濃濃的日式風味,
我地仲好lucky坐係對住維港的坐位~
呢度的套餐價錢唔貴,
根據牛肉的等級分不同的價錢,
而且材料全部由日本直送達港,
定食A 「牛、豚、雞」（$168/一人前）
定食 B「黑毛和牛御膳」（$278/一人前）
定食 C「豪華絢爛套餐」（$378/一人前）
仲有適合素食者的定食D 「素食套餐」（$168/一人前）
我地分別點左定食 B & C,
食物份量多到張台放唔晒!
先介紹湯底, <温野菜>以一人一鍋的形式
湯底已經有9款選擇
當中比較特別的是<骨膠原柚子鹽湯>、<秘傳月見壽喜湯>、
<藥膳湯>、<北海道咖喱湯>
姊妹都點左女仔最愛的<骨膠原柚子鹽湯>,
而我一於試下<藥膳湯>
店員會拿出藥材格, 放左9種不同的藥材
之後取適量的金針、蓮子、花椒、紅棗、
杞子、松子仁等藥材放於湯中,
不消一會兒就散發出濃濃的藥材香氣~
前菜我選擇左<生菜沙律>+<辣醬芝士>
<生菜沙律>:所有蔬菜都是由日本產地新鮮直送的,
加入了紫菜及鹽, 比平時的日式沙律更鮮甜惹味
<辣醬芝士>:令我食不停口的前菜, 口感有d似腐乳,
味道係濃烈的香辣, 但又唔會太辣
令人一試難忘!
而我點的係定食 B「黑毛和牛御膳」（$278/一人前）
放滿半張台了
<野菜五品盛盒> 有生菜、蘿蔔、大蔥等蔬菜, 鮮甜好美
仲有彈牙的<蔥竹輪卷>、香濃煙韌的<自家製福袋年糕>、
鮮嫩的<竹筒免治雞肉>
<寬條麵/白飯>, 我就選質感彈牙的寬條麵
<松葉蟹腳>份量都唔少, 蟹肉鮮甜
定食 B「黑毛和牛御膳」包括有:
<鹿兒島黑毛和牛肩脊肉>、<美國上級牛肋肉>、
<美國牛肋肉>和<熊本豚腩肉>
<鹿自島黑毛和牛肩脊肉/左邊>
<美國上級牛肋肉/右邊>
<鹿自島黑毛和牛肩脊肉>
輕灼數秒就ok
肉質柔軟嫩滑, 口感有嚼勁
不用任何醬汁已經牛肉味十足
<美國上級牛肋肉>
牛肋肉脂肪分布均勻, 吸收了藥膳湯的味道
正啊!
<美國牛肋肉>
肉質幼滑不會太肥, 入口即化的鮮嫩
<熊本豚腩肉>
雖然是豚腩, 油脂充份, 但不會太肥膩,
粉紅肉質, 鮮嫩甘香
因為呢度的蔬菜太鮮甜啦,
我地追加左爽口的<水菜、蘑菇>等
仲有質感香濃黏糯的<栗蓉、南瓜蓉>
最後再食埋見甜品<紅豆雪糕夾餅>+<溫野菜雪糕>
為晚餐劃上甜蜜的句號!!!
Facebook:
Openrice link:
<<本文章內容純屬個人分享，並不代表該品牌之言論及立場>>
產品試用、活動等歡迎Contact露露:
Facebook Fans Page:
Intagam:
Youtube:
Open Rice:
Weibo:
個人Blog:
Beauty Bolg:
沒有留言:
張貼留言